STEINAVIA

STEINAVIA
oppid. Silesiae: sub Duce olim proprio, de familia Steinavia. Olsnensi, cuius auctor Conradus fil. Henrici Fidelis, frater Iohannis Principis Steinaviensis, quô nomine Bohemiae hic accessit A. C. 1329. Conradus is olsnam a patte, a fratre vero Steinaviam ac Iaveram obtinuit: a Boleslao Lignitio tantopere vexatus, ut, exhaustô aerariô, vestes etiam vendere cogeretur. Postea cum aliis se coronae Bohemicae submisit, regi Iohanni fidelissimus, et A. C. 1345. bellô strenue Polonos persecutus est. Filius eius Conradus II. Iagellonis in convertendis Lithuanis suis comes, mortuus A. C. 1395. quatuor filios Conrados reliquit. E quibus primus a filio Conrado IV. captus. et ad eiurandum principatum coactus, obiit Vratislaviae A. C. 1451. Conradus IV. vero A. C. 1492. morte suâ lineam clausit. Tum Olsnensis Principatus ab Vladislao Rege permutationis pro Podiebradio iure Henrico Duci Monsterbergensi concessus, et ab huius atnepte, nostrâ memoriâ, domui Wirtembergicae illatus est. Accepêre Steinavienses cives insignia privilegia, a Conrado Duce Steinaviae et Iaverae; qui, cum Archiepiscopatui Salisburgio destinatus, illum quod patriam cerevisiam ibi non reperiret, recusâsset, a fratre tamquam fatuus, custodiae datus, sed a civibus libertatus est, sub finem saeculi 13. Vide Phil. Iac. Spenerum Syll. Geneal. Hist. in Familia Piastea.

Hofmann J. Lexicon universale. 1698.

Look at other dictionaries:

  • SILESIA — Germaniae regio ampla, populosa, fertilis, diu fuit sub imperio Polonorum, sed tandem subiecta coronae Bohemicae, a tribus saeculis, accipiens nomen ab amne Schleso, vel, ut alii sentiunt, a Schleso rege. Odera fluv. perlabitur eam. Hanc igne et… …   Hofmann J. Lexicon universale

  • SPROTTAVIA — Urbs Ducatus Glogaviensis, in Silesia, ad Sprottam fluv. ubi cadit in Boberam, vix 2. leuc. supra Saganum in Ortum, 4. a Glogavia in Occasum, solum sub proprio quoque Duce: E quibus Primislaus fil. Conradi Glogoviensis, mortui A. C. 1289. Dux… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.